१७ चैत रोल्पा , यो सिजन भनेको गहुँ जहुँ भित्र्याउने समय हो । त्यसैले यो समयमा के तपाईंले गहुँ काटि सक्नु भयो ? या काटेर दाउनको लागि धेरै गहुँ भएर दाउन मुस्किल भएको छ? दाउनको लागि गोरु नभर समस्या भईरहेको छ ? यदि यो समस्या छ भने रुन्टिगढी गाउँपालिकाका किसानका लागि खुसीको कुरा छ।
‎
रोल्पाको रुन्टिगढी गाउँपालिकाले किसानको गहुँ थ्रेसिङको लागि  थ्रेसर ब्यवसायीहरुलाई प्रस्ताव पेश गर्ने अनुरोध गरेको छ। चैत १६ सोमबार रुन्टिगढी गाउँपालिका कृषि विकास शाखा अन्तरगत २०८२/८३ को बार्षिक स्वीकृत कार्यक्रम अनुसार थ्रेसर ब्यवसायीलाई प्रस्ताव पेश गर्न सुचना निकालिएको हो ।

‎‎प्रस्ताव पेश भएर छनोटमा परेका थ्रेसर ब्यवसायीहरुले किसानलाई पाएक पर्ने ठाउँमा पुगेर गहुँ  थ्रेसिङ गरिदिनु पर्ने छ। किसानको गहुँ थ्रेसिङ कार्य सहभागी हुनका लागि ब्यवसायीहरुले गाउँपालिकामा सुचना प्रकासन भएको मितिले ७ दिन भित्र प्रस्ताव पेश गरि सक्नु पर्ने छ।
‎
पालिका कृषि विकास शाखाको  ५० प्रतिशत अनुदानमा उक्त कार्यक्रम सञ्चालन गर्न लागिएको हो। जस अन्तरगत गहुँ थ्रेसिङ गरेको  लागत ५० प्रतिशत किसानले ५० प्रतिशत पालिकाले ब्यहोर्ने भएको छ ।