घोराही, २६ माघ - राप्ती अञ्चल संयुक्त ट्रक यातायात व्यवसायी समितिको २२ औँ साधारण सभा घोराही सम्पन्न भएको छ । समितिका अध्यक्ष उमेशचन्द्र मज्गैयाको अध्यक्षता एवं पूर्व अध्यक्ष यादव शाहको प्रमुख आतिथ्य एवं सल्लाहकार सुरेश हमाल र पूर्वअध्यक्ष मिनराज वलीको विशिष्ठ आतिथ्यमा साधारण सभा शनिवार सम्पन्न भएको थियो ।

साधारण सभा उद्घाटन सत्रमा बोल्ने वक्ताहरुले देशमा देखिएको आर्थिक मन्दीका कारण उद्योगहरु पूर्ण रुपले सञ्चालन हुन नसक्दा ट्रक व्यवसायी एवं मालमाहक सवारी साधनहरुले भोग्नुपरेका बताएका थिए । सडक स्तरउन्नति नहुँदा मालबाहक सवारी साधनको मर्मतमा आर्थिक भार पर्न गएको बताउदै उनीहरुले भारतिय मालबाहक साधनहरु देशभर निर्वाद रुपमा सवारी धनीहरुलाई प्रत्यक्ष असर परेको बताएका थिए । साथै उनीहरुले यातायात व्यवसायी एक भएर अगाडी बढ्न आवश्यक रहेको पनि बताएका थिए ।

त्यस अवसरमा प्रगति प्रतिवेदन प्रस्तुत गर्दै समितिका प्रशासनिक सचिव शुभाष श्रेष्ठले यातायात व्यवसायीहरुको हकहितकालागि समितिले काम गर्दै आएको बताउनुभयो । समितिमा आवद्ध व्यवसायीहरु दुखमा परेको समयमा राहत स्वरुप रकम उपलब्ध गराउने, व्यवसायीहरुको दुर्घटना बिमा गरिदिने, व्यवसायीहरुको समस्यालाई छिटो छरितो रुपमा सञ्चालन गर्नकालागि घोराही, तुलसीपुर र लमही क्षेत्रमा क्षेत्रिय संयोजक तोकेर काम अगाडी बढाएको, दुर्घटना बिमालाई व्यवस्थित गर्नकालागि बिमा समिति गठन गरि काम अगाडी बढाएको जानकारी दिनुभयो ।

साथै उहाँले आगामी दिनमा लमहीमा रहेको काँटालाई प्रविधीयुक्त बनाई पूर्ण रुपले सञ्चालन गर्ने, भाुलुवाङ र अमेलियामा रहेको चेक पोष्टलाई थप व्यवस्थित गरि सञ्चालन गर्ने योजना रहेको जानकारी दिनुभयो ।

साधारण सभामा कोषाध्यक्ष हिमन्तप्रसाद पाण्डेले आर्थिक प्रतिवेदन प्रस्तुत गर्नुृभएको थियो ।
समितिका वरिष्ठ उपाध्यक्ष प्रेमनाथ योगीको स्वागत मन्तव्यबाट सुरु भएको कार्यक्रमको सहजिकरण प्रशासनिक सचिव शुभाष श्रेष्ठले गर्नुभएको थियो ।