शान्तिनगर,४ असार - दाङकाे शान्तिनगर गाउँपालिका वडा नम्बर ४ र २ लाई जोड्ने बहुलाखोला पुलको उद्घाटन लुम्बिनी प्रदेश सरकारका पूर्व अर्थमन्त्री धनबहादुर मास्कीले एक विशेष कार्यक्रमका बीच सम्पन्न गर्नुभयो।

मिति २०८२ साल असार ४ गते सम्पन्न उक्त उद्घाटन कार्यक्रममा स्थानीय जनप्रतिनिधि, राजनीतिक दलका प्रतिनिधिहरू, बुद्धिजीवी, समाजसेवी र सर्वसाधारणको उपस्थिति रहेको थियो।

उक्त पुल निर्माण भएपछि शान्तिनगर गाउँपालिकाका दुई वडाबीचको आवागमन सहज हुने र स्थानीयवासीहरूलाई वर्षायाममा हुने कठिनाइबाट मुक्ति मिल्ने विश्वास गरिएको छ।

पूर्वमन्त्री मास्कीले उद्घाटन कार्यक्रममा बोल्दै पूर्वाधार विकासले स्थानीय समृद्धिको ढोका खोल्ने उल्लेख गर्दै सबैलाई एकजुट भएर विकास निर्माणमा लाग्न आग्रह गर्नुभयो।