दाङ - दाङको दंगीशरण गाउँपालिका–६ का अपांगता भएका एकजनालाई विभिन्न सामाग्रीहरु सहयोग गरिएको छ । समुन्नती डिजिटल फाइनान्स परियोजनाले वडाका एकजना अपांगता भएका व्यक्तीलाई ३९ हजार ३ सय २० बराबरको उद्यमसिलता विकास सम्बन्धि सहयोग सामाग्री वितरण गरिएको हो ।

 कपाल काट्ने व्यवसाय गर्दै आएका प्रसड्डुवाका शंकर प्रसाद चौधरीलाई हेयर कटिङसम्बन्धि सामाग्री वितरण गरिएको वडाअध्यक्ष रोशनजंग शाहले जानकारी दिनुभयो । उनलाई हेयर कटिङ मेशिन २ थान, हेयर आइरल १ थान, पाउडर पफ बक्स १ थान, सेभिङ् ब्रस २ थान, काँगियो सेट १ थान, हेयर ड्रायर १ थान, एप्रोन ३ थान, कैँची २ थान, छुरा २ थान, कपाल झार्ने ब्रस १ थान, पानी स्प्रे बोटल १ थान, जिगज्याग कैँची १ थान, ज्याक पिन १ थान, ऐना २ थान र सलुन चेयर १ थान वितरण गरिएको वडाअध्यक्ष शाहले बताउनुभयो । विशेषगरी अपांगता भएका व्यक्तीलाई रोजगारसँग जोड्ने उदेश्यले यस्ता सामाग्री माग गरी वितरण गरिएको उहाँले बताउनुभयो ।

वडा अध्यक्ष शाहले गत फागुन २८ गते वडाका ३ जना अपांगता भएका व्यक्तीलाई व्यवसायमा प्रोत्शाहन गर्ने उदेश्यले समुन्नती डिजिटल फाइनान्स परियोजनासँग उद्यमसिलताका लागी सहयोग उपलब्ध गराउन लिखित रुपमै माग गर्नुभएको थियो । सोही माग अनुसार उक्त परियोजना अन्र्तगतका युकेमा बस्दै आएका जर्ज टेलर तथा मार्गरेट टेलर दम्पतीद्धारा प्रदन गरिएको आर्थीक सहयोगबाट उक्त सामाग्री वितरण गरिएको हो । वडाले अपांगता भएका व्यक्तीका लागी विगतदेखी नै विभिन्न संसस्थाहरुसँग समन्वय गरेर सहयोग गर्दै आएको छ । अपांगता भएका व्यक्तीहरुलाई समाजमा हेर्ने दृष्टीकोण फरक भएकाले उनीहरुलाई आफै स्वरोजगार बनाउने उदेश्यले व्यवसायलाई थप प्रोत्शाहन गर्नका लागी सहयोग प्रदान गरिएको वडाअध्यक्ष शाहले बताउनुभयो ।।