दाङ - दाङको दंगीशरण गाउँपालिकाले आफ्नो पालिकाभित्रका किसानहरुलाइ ५० प्रतिशत अनुदानमा ६३ लाख बराबरका कृषि यन्त्रीकरणका सामाग्री वितरण गरेकोछ । गाउँपालिकाको आर्थिक बर्ष २०८१/८२ को स्विकृत वार्षिक कार्यक्रम अनुसार नेपाल महिला सेवाकेन्द्रको आयोजना, दंगीशरण गाउँपालिकाको आर्थिक सहयोग तथा हेफर प्रोजेक्ट नेपालको प्राविधिक सहयोगमा ६३ लाख बरावरको कृषि यन्त्रीकरणका सामाग्री बितरण गरेको हो । गाउँपालिकाले इभिडिङ मार्फत खरीदगरी कृषि यन्त्रीकरणका सामाग्री वितरण गरीएको गाउँपालिकाले बताएको छ ।

कृषि यन्त्रीकरणका सामाग्री बितरणगर्दै गाउँपालिका अध्यक्ष शम्भु गिरीले कुनैपनि बस्तु निशुल्क बितरणगर्दा किसानको अपनत्व नहुने हुदा आफुहरुले किसानलाइ केहि सहयोग पुगोस भन्ने उद्धेश्यकासाथ ५० प्रतिशत अनुदानमा सामाग्री गरीएको बताएका छन । पालिकाबाट लगिएका कृषि यन्त्रीकरणका औजारहरुको सहि सदुपयोग नभए त्यस्ता फर्म,समुहरुलाइ कालो सुचिमा राखिने उनको भनाई छ । गाउँपालिका कृषिमा निर्भर गाउँपालिका रहेकाले किसानहरुलाइ रासायनिक मलको बिकल्पमा जैविकमलको उध्योग स्थापनाको लागि सोच अगाडि बढाइएको बताए ।

औजार बितरण अबसरमा बोल्दै गाउँपालिका उपाध्यक्ष पिमा वलि खड्काले बास्तविक किसानहरुका लागि औजारको सहि सदुपयोग गरिदिन आग्रहगरीन । औजार बितरणका लागि माग गरीएको निबेदन बिनियोजित बजेट भन्दा धेरै माग गरीएकाले अहिले प्राप्त नगरेका किसानहरुलाइ आउदो आर्थिक बर्षमा प्राथमिकता दिइने उपाध्यक्ष खड्काले बताइन । उनले पालिकाले अनुदानमा दिएका सामाग्रीलाइ सामुहिक रुपमा प्रयोग गर्ने बानिको बिकासगर्न आग्रह गरीन ।

गाउँपालिकाले कृषकहरुलाइ लाभ मिल्नेगरी कृषि औजार बितरण गरेकोमा देवकोटा बहुउदेश्य कृषि फर्मका संचालक शुसिल देवकोटाले खुसि ब्यक्तगरे ।किसानहरुको मागका आधारमा कृषि यन्त्रीकरण सामाग्रीहरु मिनि ट्रेलर ४२ वटा, पावर ट्रेलर ४ वटा,रिपर ४ वटा ,चापकटर १४ वटा,पम्पसेट ६ वटा, बेट्रीवाला स्प्रे ११९ वटा र मोटर ११ वटा बितरण गरीएको हो ।

कृषि औजार बितरणमा गाउँपालिकाका प्रमुख प्रशासकिय अधिकृत कर्ण बहादुर नेपालि,क्रुषि शाखा प्रमुख शरु भुषाल,कृषि अधिकृत मान बहादुर डाङ्गी,श्रीयासा आचार्य,हेफर प्रोजेक्टकी गोमा भट्टराई लगायतको सह्भागिता रहेकोथियो ।।साभार लाइभ दाङ