दाङ — बङ्गलाचुली गाउँपालिका–१ स्युजा खाडाकी क्यान्सर पीडित महिला तुलसा गौतमको उपचारमा सहयोग पुर्‍याउन प्रवासी एकता समाज बङ्गलाचुली–१, दाङले सञ्चालन गरेको सहयोग अभियानबाट करिब ९९ हजार ५ सय ४४ रुपैयाँ संकलन भएको छ।

संस्थाका अध्यक्ष निमराज घर्ती, कोषाध्यक्ष बिक्रम भट्टराईलगायत सामाजिक तथा बुद्धिजीवी व्यक्तित्वहरूको प्रत्यक्ष उपस्थितिमा पारदर्शी ढङ्गले संकलित रकम हस्तान्तरण गरिने प्रवासी एकता समाजका सचीव भेष राज खनालले जानकारी दिनु भो।

तुलसा गौतम उपचारको क्रममा चितवन गएका कारण तोकिएको समयमा रकम हस्तान्तरण गर्न नसकिएको भए पनि हाल उनी घर फर्किएको जानकारी पाएपछि अब छिट्टै रकम बुझाइने बताइएको छ। यस अभियानमा देश–विदेशमा रहेका विभिन्न व्यक्तिहरूले सहयोग गरेका छन्। संस्थाले सहयोग गर्ने सबैलाई धन्यवाद दिँदै कतै रकम वा नाममा त्रुटि भए सच्याउन आग्रह गरेको छ। जम्मा संकलित रकम: नेपाली रुपैयाँ ९९,५४४।