दाङ,६ मंसिर -दोस्रो शान्तिनगर सास्कृतिक तथा ब्यापारिक महोत्सवको आज छैठौ दिन शनिबार चर्चित गायिका ज्योती मगर आउने भएकी छन । मंसिर १ गतेदेखी सुरु भएको महोत्सवमा हट गायिकाको रुपमा परिचित ज्योती मगर आउन लागेकी हुन ।

केआइए मिडिया हाउस बबईको आयोजनामा सन्चालन भइरहेको महोत्सवमा मंसिर ६ गते शनिबार हाउस फुल हुने आयोजकले अपेक्षा गरेको छ । यसअघि भएको पहिलो शान्तिनगर महोत्सव सफल भएको थियो । दोस्रो महोत्सब पनि सफल उन्मुख अबस्थामा पुगेको छ ।

महोत्सवमा हालसम्म गायिका सुमन थापा मगर, गायक श्याम राना मगरलगायतका कलाकारले प्रस्तुती गरेका छन ।आज शनिबार ज्योती मगर आउने पक्का भएपछी आयोजकले सोही अनुसारको तयारी गरेको छ ।

आफ्नो प्रस्तुतीले निकै चर्चामा रहेकी ज्योती मगर पछिल्लो समयमा सामाजिक सन्जालमा लेख्ने स्टाटसले निकै चर्चामा रहेकी छन । मन्चमा प्रस्तुतीका लागि पुग्दा दर्शकलाई समेत निकै उत्तेजित गराउने गर्दछिन ।

रोल्पामा जन्मेर राजधानीलाई कर्मथलो बनाएकी मगर मेला/महोत्सवका लागि पहिलो रोजाईमा पर्छिन । दोस्रो शान्तिनगर महोत्सवमा पहिलो पटक हाउस फुल हुने अपेक्षा गरिएको छ । साभार छहरा अनलाइन