दाङ,९ मंसिर - लैंगिक हिंसा विरुद्धको १६ दिने विश्वव्यापी अभियानको अवसरमा बबई गाउँपालिका भित्रका माध्यमिक विद्यालयहरूमा अभिमुखिकरण कार्यक्रम सुरु गरिएको छ। बबई–५ का अध्यक्ष हर्क बहादुर श्रीसको अध्यक्षता र बबई गाउँपालिका अध्यक्ष कुल बहादुर खत्रीको प्रमुख आतिथ्यतामा कार्यक्रम सम्पन्न भएको हो।

सो कार्यक्रममा गाउँपालिका उपाध्यक्ष बमकुमारी खड्का विशेष अतिथि रहनुभएको थियो।

कार्यक्रममा जनकल्याण माध्यमिक विद्यालयका प्रधानाध्यापक गनेश के.सी., शिक्षा शाखा प्रमुख सरस्वती भण्डारी, बिब्यस अध्यक्ष शिव भण्डारीलगायतका व्यक्तित्वहरूले लैंगिक हिंसा नियन्त्रण, विद्यालयस्तरमा सचेतनाको आवश्यकता तथा विद्यार्थीमैत्री वातावरण निर्माणबारे मन्तव्य राख्नुभयो।

अभिमुखिकरणका प्रशिक्षकका रूपमा बबई गाउँपालिका प्रमुख प्रशासकीय अधिकृत जोखिम ओलीले लैंगिक हिंसाका रूप, प्रभाव तथा रोकथामका उपायबारे विस्तृत प्रस्तुति गर्नुभयो।

त्यसैगरी ईप्रका खिलतपुरका प्रमुख प्रहरी निरीक्षक कमल परियारले समुदाय–विद्यालय सहकार्य र कानूनी प्रावधानबारे जानकारी दिनुभयो। दलित सेवा सङ्ग दाङका कार्यक्रम अधिकृत छवि परियारले समावेशीता, पहुँच र समुदायमा बढ्दै गएको सचेतनाबारे चर्चा गर्नुभयो।

कार्यक्रमको सञ्चालन बबई गाउँपालिका महिला तथा बालबालिका शाखा प्रमुख खिमा पुनले गर्नुभएको थियो।

गाउँपालिकाले अभियानको अवधिभर विद्यालय, टोल तथा समुदाय स्तरमा विविध सचेतनामूलक गतिविधि सञ्चालन गर्ने जनाएको छ।