घोराही, १० मंसिर - प्राज्ञिक विद्यार्थी परिषद्, नेपालले ‘मेरो देश, मेरो जिम्मेवारी’ अभियान – २०८२ सुरु गरेको छ । परिषद्ले बुधबार घोराहीस्थित नेपाल पत्रकार महासंघको सभाहलमा पत्रकार सम्मेलनमार्फत ‘मेरो देश, मेरो जिम्मेवारी’ अभियान – २०८२ देशभर सुरु भएको  जानकारी गराएको हो ।

परिष्दका प्रदेश संगठन सचिव मणिराम चौंलागाईंले पत्रकार सम्मेलनमा अभियानको बारेमा जानकारी दिँदै समाजका हरेक क्षेत्रमा निराशा रहेको र त्यो निराशालाई चिरेर समाजलाई सकारात्मकतर्फ डो¥याउने अभियान प्राज्ञिक परिषद्को भएको बताउनुभयो । उहाँले समग्र समाजमा सम्भावना र अवसर भएको भन्दै प्राज्ञिकले विगतमा लिएको नाराहरु समाजमा स्थापित भएको र अहिले पनि आफूहरुले ‘मेरो देश, मेरो जिम्मेवारी’ भन्ने नारा लिएर अगाडि बढेको बताउनुभयो । अब हामीले अगुवा नेतृत्वलाई मात्र गाली गरेर हुँदैन्, हामीले हाम्रो जिम्मेवारी पूरा गर्नुपर्छ, उहाँले भन्नुभयो । नागरिक कर्तव्य महत्वपूर्ण भएको र त्यसलाई पालना गर्नका लागि प्राज्ञिकले अभियान चलाएको उहाँले बताउनुभयो । समाज राम्रो खालको वातावरण निर्माणका लागि र यो भूमिमा लोमो समयसम्म काम गर्ने उद्देश्यकासाथ प्राज्ञिकले ‘मेरो देश, मेरो जिम्मेवारी’ को नारा लिएर बुधबारदेखि देशभर राष्ट्रव्यापी अभियान सुरुभएको उहाँको भनाइ थियो ।

राष्ट्रव्यापी अभियान संयोजन समितिका सदस्य किरण पोख्रेलले यो परिषद् नेपाल विद्यार्थी, शिक्षक र शिक्षाविद्को सामूहिक संरचनामा रहेर राष्ट्र पुनर्निर्माणको उदात्त र पवित्र लक्ष्यका साथ राष्ट्रियस्तरमा कार्यरत नेपालको एकमात्र स्वतन्त्र विद्यार्थी संठन भएको बताउनुभयो ।  उहाँले देशको सकारात्मक रुपान्तरणका लागि वर्तमान पस्थितिलाई मध्येनगर गर्दै परिषद्ले ‘मेरो देश, मेरो जिम्मेवारी’ भन्ने मूल नारासहित सदाचार र सुशासनको राष्ट्रव्यापी अभियान –२०८२ सुरु गरेको जानकारी दिनुभयो । यस अभियान अन्तर्गत विशेष गरी देशभरिका युवा, विद्यार्थीहरुबा सुझाव संकलन गर्ने, राष्ट्रप्रति कर्तव्य निर्वहन र समर्पणभाव जगाउने उद्देश्यले राष्ट्रका लागि संकल्प अभियान चलाउने समेत उहाँले बताउनुभयो । विद्यार्थीहरुबीच विभिन्न प्रतियोगितात्मक कार्यक्रम गर्ने, नागरिक तहमा नागरिक गोष्ठी जस्ता कार्यक्रमहरु पनि अभियानको महत्वपूर्ण अंगको रुपमा सञ्चालन गरिने उहाँको भनाइ थियो ।