दाङ,१० मंसिर -  शान्तिनगर–५, रगै‌‌जामा जारी दोस्रो शान्तिनगर सांस्कृतिक तथा व्यापारिक महोत्सव–२०८२ अन्तर्गत मंसिर ११ गते विशेष सांस्कृतिक आकर्षणसहित मनोरञ्जनपूर्ण कार्यक्रम सञ्चालन हुने भएको छ। मंसिर १ गतेदेखि १५ गतेसम्म चल्ने महोत्सवमा स्थानीय तथा राष्ट्रिय कलाकारहरूको भव्य प्रस्तुतिको तयारी गरिएको आयोजकले जानकारी दिएको छ।

मंसिर ११ गतेको मुख्य आकर्षणमा चर्चित गायक कमल वि.सी (मालदाई दोहोरीबाट) विशेष प्रस्तुति दिनुहुनेछ। साथै गीत–संगीतका युवा प्रस्तोता सगर बाबुपुन (लोकतथा दोहोरी गायक/उद्दघोषक) र **हरी थापा (उद्दघोषक)**को पनि सहभागिता रहनेछ।त्यसगरी अतिरिक्त डान्सर समिक्षा परियार, समिल्ला घर्ती, निशा भुइँयाँ, मोडल रोयल किड र डान्सर आशा गिरीले आकर्षक प्रस्तुति प्रस्तुत गर्ने कार्यक्रम छ।

महोत्सव “हाम्रो संस्कृति हाम्रो शान, सिर्जनाको सम्मान नव पहिचान” भन्ने नाराका साथ सञ्चालन हुँदै आएको छ। स्थानीय कला, संस्कृति, व्यापार, पर्यटन प्रवर्द्धन र सामुदायिक एकता मजबुत बनाउन महोत्सवले महत्वपूर्ण भूमिका खेलेको आयोजक समितिको भनाइ छ।

मंसिर १५ गतेसम्म दैनिक विविध कार्यक्रम, सांगीतिक प्रस्तुति तथा व्यापारिक स्टलहरूको अवलोकन गर्न सकिनेछ।