सोसल मिडिया
हाम्रो बारेमा
गोपनीयता नीति
Contact Us
युनिकोड
कमिरेचौर १२ मंसिर - दाङको बंगलाचुली ३ मा अवस्थित आधारभूत विद्यालय दाङवाङको ४६ ओै वार्षिकोत्सब सम्पन्न भएको छ । विद्यालय व्यवस्थापन समिति अध्यक्ष लोक बहादुर खत्रीको अध्यक्षता तथा बंगलाचुली गाउँपालिका प्रवक्ता एवं वडा नम्बर ३ का वडा अध्यक्ष शोभाराज विश्वकर्माको प्रमुख आतिथ्यतामा वार्षिकोत्सब कार्यक्रम सम्पन्न भएको हो ।
वार्षिकोत्सब कार्यक्रममा विद्यालयका प्रधानाध्यापक खिम बहादुर बुढाले विद्यालयको आर्थिक तथा शैक्षिक प्रतिवेदन प्रस्तुत गर्नुभएको थियो । प्रतिवेदन प्रस्तुत गर्दै प्रधानाध्यापक बुढाले विद्यालयमा रहेका भौतिक संरचना र खेल मैदानमा पर्याप्त नरहेकोले सो विषयमा चासो दिन सरोकारवाला र विद्यालय व्यवस्थापन समितिलाई अनुरोध गर्नुभएको थियो । कार्यक्रममा बोल्दै बंगलाचुली गाउँपालिका प्रवक्ता तथा वडा नम्बर ३ का वडा अध्यक्ष शोभाराज विश्वकर्माले विद्यालयको स्तरउन्नति गर्न आफुले सकेजति पहल गर्ने प्रतिवद्धता व्यक्त गर्नुभयो । विद्यालयको भौतिक संरचना निर्माणको लागि बजेट प्रस्ताव गरिएपनि राजनितीक प्रतिशोधका कारण बजेट अन्यत्र आवश्यक नरहेको ठाउँमा जाने गरेको बताउनुभयो । वार्षिकोत्सब कार्यक्रमका प्रमुख अतिथि समेत रहनुभएका विश्वकर्माले आगामी हिउँदे अधिवेशनमा विद्यालयको खेल मैदानको लागि बजेट माग गर्ने उहाँले बताउनुभयो ।साथै उहाँले विद्यालयको विकास निर्माण र स्तरउन्नतिमा राजनिती नगर्न पनि उहाँले आग्रह गर्नुभयो । साथै उहाँले आफ्ना बालबालिकालाई संस्कार संस्कृति सिकाउने प्रमुख भुमिका अभिभावकको हुने भएकोले त्यसतर्फ ध्यान दिन अभिभावकलाई आग्रह गर्नुभयो । कार्यक्रममा बंगलाचुली गाउँपालिका शिक्षा समिति सदस्य भिम बहादुर केसि, विद्यालयका पुर्व प्रधानाध्यापक चेत प्रसाद लम्साल,समाजसेवी विष्णु महरा, महेन्द्र नमुना माध्यामिक विद्यालयका प्रधानाध्यापक तिलक वली लगायतले मन्तव्य व्यक्त गर्नुभएको थियो ।
सो अवसरमा विद्यालयमा अध्ययनरत १५२ जनाजेहेन्दार तथा विपन्न परिवारका विद्यार्थीलाई पुरस्कार स्वरुप कापि कलम प्रदान गरिएको थियो । साथै स्कुलमा स्थापना भएका अक्षकोषबाट विद्यार्थीलाई नगद पुरस्कार र शैक्षिक सामाग्री प्रदान गरिएको थियोे । यस्तै विद्यालयमा स्थापना भएको अक्षकोषदाताहरुलाई सम्मान पत्रले सम्मान गरिएको थियो ।यस्तै विद्यालयका विद्यार्थी र शिक्षक शिक्षिकाले सामुहिक रुपमा नृत्य प्रस्तुत गर्नुभएको थियो ।
विद्यालयका शिक्षिका चित्रा विश्वकर्माको स्वागत मन्तव्यबाट सुरु भएको कार्यक्रमको सहजिकरण विद्यालयका सहायक प्रधानाध्यापक राजेश वलीले गर्नुभएको थियो ।