कमिरेचाैर, १४ पुस - बंगलाचुली गाउँपालिकाको दोस्रो गाउँसभाको आठौं हिउँदे अधिवेशन सोमबार सम्पन्न भएको छ  । गाउँपालिकाका अध्यक्ष तुलसीराम पुनको अध्यक्षतामा गाउँपालिकाको सभाहलमा सम्पन्न भएको अधिवेशनले विभिन्न कार्यविधि तथा  विधेयकहरु सर्वसम्मत रुपमा पारित गरेको थियो ।पुस १३ र १४ गते दुई दिनसम्म सञ्चालन भएको दोस्रो गाउँसभाको हिउँदे अधिवेशनमा सात वटा कार्यविधि  तथा विधेयकहरु प्रस्तुत भएका थिए । अधिवेशनमा प्रस्तुत भएका दुई वटा कार्यविधि र पाँच विधेयक गाउँसभाबाट सर्वसम्मत रुपमा पारित भएका थिए   ।

अधिवेशनमा प्रस्तुत भएका बंगलाचुली गाउँपालिकाको चालू आर्थिक वर्ष २०८२/०८३ को  अर्धवार्षिक प्रगति समीक्षासम्बन्धी विधेयक २०८२, गाउँपालिकाको चालू आर्थिक वर्ष २०८२/०८३ को वार्षिक बजेट कार्यक्रम संशोधन सम्बन्धी विधेयक २०८२,  गाउँपालिकाको सार्वजनिक लेखा समितिको प्रतिवेदन सम्बन्धी विधेयक २०८२, गाउँपालिकाको चालू आर्थिक वर्ष २०८२/०८३ को कार्यपालिका बैठकको निर्णय अनुमोदन सम्बन्धी विधेयक २०८२ र गाउँपालिकाको चालू आर्थिक वर्ष २०८२/०८३ को न्यायिक समितिको अर्धवार्षिक प्रतिवेदन सम्बन्धी विधेयक २०८२ गाउँसभाबाट सर्वसम्मत पारित भएको थियो ।  त्यस्तै अधिवेशनमा प्रस्तुत भएका बंगलाचुली गाउँपालिकाको गाउँसभा सचिवालय कार्य सञ्चालन कार्यविधि २०८२ र बंगलाचुली बेरुजु फर्च्यौट कार्यविधि २०८२ गाउँसभाबाट पारित भएका थिए ।

गाउँसभामा गाउँपालिका अध्यक्ष  तुलसीराम पुनले गाउँसभामा गाउँपालिकाको चालू आर्थिक वर्ष २०८२/०८३ को  अर्धवार्षिक प्रगति समीक्षासम्बन्धी विधेयक २०८२ प्रस्तुत  गर्दै स्थानीय   सुशासन, समृद्धि र सामाजिक न्याय कायम गर्ने दृढ संकल्पलाई व्यवहारमा रुपान्तरण गर्दै  नागरिक सेवामा निरन्तर क्रियाशील रहेको बताउनुभयो ।  उहाँले स्थानीय कानुन निर्माण तथा प्रभावकारी कार्यान्वयन, गाउँपालिकाको गुरुयोजना तथा योजनाको तर्जुमा गर्नका लागि संघ र प्रदेशको समन्वय तथा सहकार्यको प्रयासले  पालिकालाई उल्लेख्य सफलता  प्राप्त भएको जानकारी दिनुभयो ।यस  गाउँपालिकामा विद्यमान बहुल सामाजिक, साँस्कृतिक तथा भौगोलिक विविधता र विशिष्टता, पर्याप्त प्राकृतिक स्रोतसाधन रहेको भन्दै अध्यक्ष पुनले  शासन,  विकास र सेवा प्रवाहका कार्यमा नागरिकहरूको सक्रिय,  रचनात्मक र स्वस्फर्त सहभागिताको ठूलो सम्भावना हँदाहँदै पनि भौगोलिक जटिलता, न्यून आन्तरिक आम्दानी, गरिबीको रेखामनि रहेका बिपन्न नागरिकहरूको बाहुल्यता, परम्परागत कषि तथा पशपालन प्रणाली, उद्योग- कलकारखाना, व्यापार-व्यवसायलगायत सेवा क्षेत्रमा बाह्य लगानीको न्यूनताका कारण अपेक्षाकृत बहुआयामिक विकास हासिल हुन नसकेको अवस्था रहेको बताउनुभएको थियो  ।  पालिकाबाट प्रवाह हुने सेवालाई सरल र सहज रुपमा उपलब्ध गराउनका लागि कानुन सम्बत रुपमा कामहरू भइरहेको समेत उहाँको भनाइ थियो ।

त्यस्तैगरी गाउँपालिका उपाध्यक्ष भक्तबहादुर जिसीले गाउँपालिकाको चालू आर्थिक वर्ष २०८२/०८३ को वार्षिक बजेट कार्यक्रम संशोधन सम्बन्धी विधेयक २०८२, प्रस्तुत गर्दै  पालिकाको ८७ वटा योजनाहरुको शीर्षकमा बजेट संशोधन भएको जानकारी दिनुभएको  थियो । उहाँले पालिकाभित्र भएका योजनाहरुको कार्यसम्पादनको आधारमा कुनै योजनामा  बजेट थप भएको र कुनै योजना बजेट घटाइएको समेत  बताउनुभएको थियो ।  गाउँसभाको अधिवेशन गाउँपालिकाको सार्वजनिक लेखा समितिको प्रतिवेदन सम्बन्धी विधेयक २०८२,  सार्वजनिक लेखा परीक्षण समितिका सभापति लोकबहादुर खत्रीले प्रस्तुत गर्नुभएको थियो ।  त्यस्तै गाउँपालिकाको चालू आर्थिक वर्ष २०८२/०८३ को कार्यपालिका बैठकको निर्णय अनुमोदन सम्बन्धी विधेयक २०८२ गाउँपालिका प्रवक्ता शोभाराम विश्वकर्माले प्रस्तुत गर्नुभएको थियो ।त्यसैगरी गाउँपालिकाको चालू आर्थिक वर्ष २०८२/०८३ को न्यायिक समितिको अर्धवार्षिक प्रतिवेदन सम्बन्धी विधेयक २०८२ न्यायिक समितिका संयोजक गणेश विश्वकर्माले गर्नुभएको थियो ।   बंगलाचुली गाउँपालिकाको गाउँसभा सचिवालय कार्य सञ्चालन कार्यविधि २०८२ मैते पुन र बेरुजु फर्च्यौट सम्बन्धी विधेयक विधायन समितिका सदस्य नारायणी गिरीले गर्नुभएको थियो ।