दाङ - प्रेस चौतारी नेपाल, तुलसीपुरको अध्यक्षमा पुनः बसन्त परियार निर्वाचित हुनुभएको छ । आज तुलसीपुरमा भएको नगर कमिटिको दोस्रो अधिवेसनबाट परियारको अध्यक्षतामा सर्वसम्मत रुपमा नया कार्यसमिति चयन गरिएको हो । जसको उपाध्यक्षमा प्रेम कुमारी मगर रहनुभएको छ । बसन्त परियार यसअघि पनी नगर कमिटिको अध्यक्ष हुनुहुन्थ्यो भने प्रेम कुमारी मगर उपाध्यक्ष नै हुनुहुन्थ्यो । अध्यक्ष र उपाध्यक्ष पुनः दोहोरिनुभएको हो । यस्तै सचिवमा कपिलमणी लामिछाने, सह–सचिवमा विस्मात केसी, कोषाध्यक्षमा भिम वली (एसवी), सदस्यहरुमा रोमा पुन, मनु डिसी, रोशन बोहरा, कुस्मा डाँगी र सबिता रोका चयन हुनुभएको छ । प्रेस चौतारीका केन्द्रिय सदस्य गणेश आचार्यको प्रमुख आथित्यतामा अधिवेसन सम्पन्न भएको हो ।

सो अवसरमा बोल्दै प्रमुख अथिति आचार्यले नया कार्यसमितिलाई कुसलतापुर्वक आफ्नो जिम्मेवारी पुरा गर्न आग्रह गर्नुभयो । पत्रकारिता एक सम्मानित पेशा भएकाले यसको गरिमालाई बचाई राख्न विशेषगरी प्रेस चौतारीका सबै पत्रकारहरु सक्रिय भएर लाग्नुपर्नेमा उहाँले जोड दिनुभएको छ । उहाँले नयाँ कार्यसमितिलाई बधाई तथा सफल कार्यकालको शुभकामनासमेत व्यक्त गर्नुभएको छ । गोकर्ण पौडेलको स्वागत मन्तव्यबाट सुरु भएको कार्यक्रमको सहजीकरण तुलसीपुर नगर कमिटिका यसअघिका सचिव राजन लामिछानेले गर्नुभएको थियो ।।