काठमाडौं,४ मंसिर - नेपाल प्रिमियर लिग अन्तर्गतको बुधबारको खेलमा सुदूरपश्चिम रोयल्सको लयको लयको बलिङले काठमाडौं गुर्खाज २९ रनले पराजित भएको छ ।

कीर्तिपुर मैदानमा टस जितेर १४८ रनको लक्ष्यसहित ब्याटिङमा उत्रिएको काठमाडौंले १६ ओभर ५ बलमा सबै विकेट गुमाउँदै ११८ रन मात्रै बनायो ।

सुदूरपश्चिमले यस सिजनको पहिलो खेलमा जित नेकालेको छ । काठमाडौंले भने यस सिजनमा एक हार र एक जिते निकालेको छ । उद्घाटन खेलमा काठमाडौंले जनकपुर बोल्टसलाई पराजित गरेको थियो ।

काठमाडौंलाई लक्ष्य अगावै रोक्न सुदूरपश्चिमका हेमन्त धामीले महत्त्वपूर्ण दुई विकेट लिए । उनले ओपनर बेन चार्ल्सवर्थ र भीम सार्कीको विकेट लिए ।

हेमन्तले बेनलाई दोस्रो ओभरको पहिलो बल र भीमलाई तीन ओभरको चौथो बलमा आउट गरे ।

हर्मित सिंहले जोश ब्राउनमार्फत् काठमाडौंका सबैभन्दा बढी बनाउने ब्याटर ओपनर आकाश त्रिपाठीलाई क्याच आउट गराए । हर्मितले मोहम्मद आदिल आलमलाई पनि आउट गराए ।

इसान पाण्डेले काठमाडौंका दोस्रो ठूलो रन जोड्ने जोन सिम्पसनलाई आउट गराए ।

सुदूरपश्चिचमलाई जिताउन स्कट कुगेलेइजनले दुई विकेट लिए । इसान पाण्डे, नरेन साउद र अविनाश बोहोराले समान १-१ विकेट लिए ।

काठमाडौंबाट सबैभन्दा बढी रन जोड्ने आकाश हुन् । उनले ३० बलमा एक चौका र दुई छक्काको सहयोगमा ३४ रन जोडे । दोस्रो धेरै २४ रन जोन सिम्पसनले प्रहार गरे । बाँकी खेलाडीको ब्याटिङ सम्झन‍लायक रहेन ।

काठमाडौंका ६ खेलाडीले दोहोरो रन बनाउन सकेनन् ।